గ్రేటర్ వరంగల్ ఎన్నికల్లో గెలిచిన నలుగురు కాంగ్రెస్ కార్పొరేటర్లను హన్మకొండలోని కార్యాలయంలో ఆ పార్టీ నేతలు ఘనంగా సన్మానించారు. శాలువా కప్పి.. పుష్పగుచ్ఛాలతో సత్కరించారు. గత అనుభవాలను దృష్టిలో ఉంచుకుని... వారితో పార్టీ మారబోమంటూ ప్రమాణం చేయించారు.
అభ్యర్థుల గెలుపును తారుమారు చేసేందుకు అధికారపక్షం అన్ని విధాల ప్రయత్నించిందని జిల్లా అధ్యక్షుడు నాయని రాజేందర్ రెడ్డి ఆరోపించారు. ఈ ఎన్నికల్లో ప్రభుత్వ వ్యతిరేకత స్పష్టంగా కనిపించిందన్నారు. నీతి, నిజాయతీతో గెలిచిన తమదే నైతిక విజయమన్నారు. నగర ప్రజల సమస్యలపై అలుపెరగని పోరాటం చేస్తామన్నారు.
ఇదీ చూడండి: ఈటల ఆత్మగౌరవం ఎక్కడ దెబ్బతిందో అర్థం కావట్లేదు: కొప్పుల
