వైన్స్​లో అగ్నిప్రమాదం.. స్వల్పంగా ఆస్తి నష్టం

వరంగల్​ అర్బన్​ జిల్లాలోని ఓ వైన్స్​లో అగ్ని ప్రమాదం చోటుచేసుకుంది. ఘటనా స్థలికి చేరుకున్న అగ్ని మాపక సిబ్బంది మంటలను అదుపు చేశారు.

వరంగల్ అర్బన్ జిల్లా కాజీపేట మండలం కడిపికొండలోని లక్ష్మీ గణపతి వైన్స్​లో అగ్ని ప్రమాదం చోటుచేసుకుంది. ఘటనలో స్వల్పంగా ఆస్తి నష్టం జరిగింది. పర్మిట్ రూమ్​లో నిల్వ ఉంచిన ఖాళీ అట్టపెట్టెలు పూర్తిగా దగ్ధమయ్యాయి.

సమాచారం అందుకున్న అగ్నిమాపక సిబ్బంది హుటాహుటిన ఘటనా స్థలికి చేరుకుని మంటలను అదుపుచేశారు. చుట్టూ పొగలు వ్యాపించడం వల్ల స్థానికులు కాసేపు ఆందోళనకు గురయ్యారు.

ఇదీ చూడండి: విపత్కర పరిస్థితుల్లో ఆత్మరక్షణతోనే దేశరక్షణ!