చివరి కార్తిక సోమవారం.. శివాలయాలకు పోటెత్తిన భక్తులు

కార్తికమాసం చివరి సోమవారం కావడంతో ఓరుగల్లులోని శివాలయాలకు భక్తులు పోటెత్తారు. తెల్లవారుజామునే స్నానాలు ఆచరించి ఆలయాలకు చేరుకుని శివుడికి ప్రత్యేక పూజలు నిర్వహించారు.

వరంగల్​ నగరంలోని శివాలయాలు శివనామస్మరణతో మారుమోగాయి. కార్తిక సోమవారాలు పురస్కరించుకుని నగరంలోని కోటిలింగాల ఆలయంతో పాటు... కాశిబుగ్గలోని కాశీవిశ్వేశ్వర స్వామి ఆలయానికి భక్తులు పోటెత్తారు.

ఓరుగల్లు శివాలయాలకు పోటెత్తిన భక్తులు

స్వామివారికి భక్తులు పంచామృతాలతో ప్రత్యేక అభిషేకం నిర్వహించారు. ఖిలా వరంగల్​ కోటలోని స్వయంభు ఆలయంలో స్వామి వారికి రుద్రాభిషేకం నిర్వహించారు. చివరిరోజు భక్తులు ధ్వజస్తంభం ఎదుట ఉసిరిలో నేతిదీపాలు పెట్టి మొక్కులు చెల్లించుకున్నారు.

ఓరుగల్లు శివాలయాలకు పోటెత్తిన భక్తులు