వరంగల్ అర్బన్ జిల్లాలో పాజిటివ్ కేసులు నమోదవుతున్న వేళ పోలీసులు అప్రమత్తమయ్యారు. నగరంలో కరోనా వైరస్ను కట్టడి చేసేందుకు అధికారులు నో మూమెంట్ జోన్లను ఏర్పాటు చేసి లాక్ డౌన్ కఠినంగా అమలు చేస్తున్నారు.
తాజాగా వెలుగు చూసిన కేసులతో అధికారులు మరింత ముందుచూపుతో కంటైన్మెంట్ జోన్లను ఏర్పాటు చేశారు. ఎల్బీనగర్, శాంతినగర్, శాలిని నగర్లను జోన్ల కింద ఏర్పాటు చేశారు. ఆయా కాలనీల నుంచి బయటకు ఎవరూ రాకుండా పోలీసులు రహదారులకు అడ్డంగా కంచెలను ఏర్పాటు చేశారు. కాలనీ వాసుల కోసం నిత్యవసర వస్తువులను మున్సిపల్ సిబ్బంది అందజేస్తున్నారు.
