ఓవైపు పక్షవాతం వచ్చిన భార్యకు సపర్యలు చేస్తూ కంటికిరెప్పలా చూసుకుంటూనే... ఇంకోవైపు రోజూ ఓ పాత సైకిల్పై 40 కిలోమీటర్లు తిరుగుతూ చేనేత వస్త్రాలు అమ్మడం ద్వారా బతుకు పోరాటం సాగిస్తున్నాడు ఓ 90 ఏళ్ల వృద్ధుడు. మలిదశలోనూ అయినవాళ్లపై ఆధారపడకూడదని కష్టపడుతున్నాడు. వరంగల్ పట్టణ జిల్లా హసన్పర్తి మండలం దేవన్నపేట గ్రామానికి చెందిన 90 ఏళ్ల వృద్ధుడు...ఉప్పలయ్యపై ఈటీవీ భారత్, ఈనాడులో వచ్చిన కథనానికి స్పందనలు వెల్లువెత్తుతున్నాయి. 'తొమ్మిది పదుల వయసులోనూ బతుకు పోరాటం' అనే శీర్షికతో ఈటీవీ భారత్లో ప్రచురితమైన కథనానికి భారత్ బయోటెక్ జాయింట్ మేనేజింగ్ డైరెక్టర్ సుచిత్రా ఎల్లా స్పందించారు.
ఓ సైకిల్ను హైదరాబాద్లో కొనుగోలు చేసి కానుకగా పంపించగా... ఆదివారం ఉదయం వరంగల్కు విచ్చేసిన భారత్ బయోటెక్ ప్రతినిధులు ఉప్పలయ్య నివాసానికి వెళ్లి సైకిల్ను స్వయంగా అందించారు. తన కష్టాన్ని చూసి సైకిల్ ఇచ్చినందుకు ఉప్పలయ్య దాతకు...ప్రసారం చేసిన ఈటీవీ భారత్కు రెండు చేతులూ జోడించి ధన్యవాదాలు తెలిపారు.
ఇవీ చూడండి: తొమ్మిది పదుల వయసులోనూ బతుకు పోరాటం
