భాజపా నేత హత్య కేసులో 16 మందికి జీవిత ఖైదు

ఓ వ్యక్తి హత్య కేసులో 16 మంది నిందితులకు జీవిత ఖైదు విధిస్తూ.. వరంగల్ జిల్లా న్యాయస్థానం తీర్పు వెలువరించింది.

ఓ వ్యక్తి హత్య కేసులో 16 మంది నిందితులకు జీవిత ఖైదు విధిస్తూ.. వరంగల్ జిల్లా న్యాయస్థానం తీర్పు వెలువరించింది. ఈ విషయం వెలువడగానే హన్మకొండలోని జిల్లా కోర్టు ఆవరణ వద్ద ఉద్విగ్న పరిస్థితులు నెలకొన్నాయి. 2013లో హసన్​పర్తి మండలం ముచ్చర్లలో భాజపా నాయకుడు అశోక్ రెడ్డిని దుండగులు దారుణంగా హత్య చేశారు. ఈ కేసులో 16 మంది నిందితులకు జిల్లా న్యాయస్థానం సోమవారం జీవిత ఖైదు విధించింది. నిందితుల తరఫు బంధువులు కోర్టు వద్దకు చేరుకొని తమ వారిని చూసి కన్నీరుమున్నీరుగా విలపించారు. బందోబస్తు మధ్య నేరస్తులను పోలీసు వ్యానులో రిమాండ్​కు తరలించారు.

ఇవీచూడండి: హరిత శోభితం... అంగన్వాడీ ప్రాంగణం