Unstoppable Season 4 Suriya Episode : నందమూరి నటసింహం బాలకృష్ణ పాపులర్ టాక్ షో 'అన్స్టాపబుల్' సీజన్ 4 సూపర్ సక్సెస్గా కొనసాగుతోంది. ఇప్పటికే రెండు ఎపిసోడ్లు నెట్టింట తెగ ట్రెండ్ అవుతుండగా, తాజాగా మరో స్టార్ హీరో ఈ వేదికపై సందడి చేశారు. ఆయనెవరో కాదు స్టార్ హీరో సూర్య. తన అప్కమింగ్ మూవీ 'కంగువా' ప్రమోషన్స్లో భాగంగా ఆయన ఈ కార్యక్రమానికి తన టీమ్తో విచ్చేశారు. బాబీదేవోల్‌, దర్శకుడు శివ కూడా బాలకృష్ణతో సరదగా గడిపారు. అందులో సినిమాతో పాటు తన భార్య జ్యోతిక, తమ్ముడు కార్తి గురించి ఆసక్తికర విషయాలను పంచుకున్నారు.
ఇక కాసేపటి తర్వాత బాలకృష్ణ కార్తికి లైవ్‌లో ఫోన్‌ చేశారు. ఆ సమయంలో వారి మధ్య సరదా సంభాషణ జరిగింది. ఓ హీరోయిన్ అంటే సూర్యకు బాగా ఇష్టమని చెప్పారు. దీంతో కార్తిని సూర్య 'నువ్వు కార్తివి కాదు. కత్తివి రా' అంటూ ఫన్నీగా అన్నారు. అయితే ఆ తర్వాత జ్యోతిక లేకుండా తన జీవితాన్ని ఊహించుకోలేనంటూ సూర్య ఎమోషనయ్యారు. అంతేకాకుండా తన సేవా కార్యక్రమాల గురించి కూడా ఈ ఎపిసోడ్లో మాట్లాడారు. మానవత్వం ఉన్న ఓ సగటు మనిషిగా నలుగురికి సేవ చేయడంలోనే తనకు ఆనందం ఉందంటూ పేర్కొన్నారు. దీంతో బాలయ్యతో పాటు అక్కడున్నవారంతా కంటతడి పెట్టారు.
Simham, Samarasimham kalisina vela,
— ahavideoin (@ahavideoIN) November 5, 2024
undadha entertainment sky level lona 🔥#UnstoppableWithNBK Season 4, Episode 3 premieres on Nov 8.#UnstoppableS4 #NandamuriBalakrishna @Suriya_offl @thedeol #AhaVideoIN #AhaOriginalSeries #NBK #kanguva pic.twitter.com/sepYn3G1Pi
ఇక 'కంగవా' విషయానికి వస్తే, డైరెక్టర్ శివ తెరకెక్కించిన ఈ చిత్రంలో సూర్యతో పాటు బాలీవుడ్ స్టార్ హీరో బాబీ డియోల్, యంగ్ స్టార్ దిశా పటానీ లాంటి నటీనటులు కీలక పాత్రలు పోషించారు. స్టూడియో గ్రీన్, యూవీ క్రియేషన్స్, KVN ప్రొడక్షన్స్, పెన్ స్టూడియోస్ బ్యానర్లు ఈ చిత్రాన్ని సంయుక్తంగా నిర్మించాయి. స్టార్ మ్యూజిక్ డైరెక్టర్ దేవీశ్రీ ప్రసాద్ ఈ చిత్రానికి సాలిడ్ సంగీతం అందించారు. తాజాగా విడుదలైన టీజర్, ట్రైలర్ కూడా ప్రేక్షకులను తెగ ఆకట్టుకున్నాయి. ఇందులో సూర్య రెండు విభిన్న పాత్రలో కనిపించి ఆకట్టుకోనున్నారు.
రాజమౌళి ఇన్స్పిరేషన్తో 'కంగువా' మూవీ! - అందుకే రెండేళ్లు పట్టింది : హీరో సూర్య
