'త్వరలోనే రెండు పడక గదుల ఇళ్లను అందిస్తాం'

రాష్ట్ర ప్రభుత్వం చేపట్టిన ఎన్నో సంక్షేమ పథకాల ద్వారా గత ఆరేళ్లలో తెలంగాణ ఎంతో అభివృద్ధి చెందిందని వరంగల్​ గ్రామీణ జిల్లా మొగుళ్లపల్లిలో జడ్ఫీ ఛైర్​ పర్సన్​ గండ్ర జ్యోతి తెలిపారు. త్వరలోనే రెండు పడక గదుల ఇళ్లను లబ్ధిదారులకు అందించనున్నట్లు హామీ ఇచ్చారు.

రాష్ట్ర ప్రభుత్వం ప్రవేశపెట్టిన కాళేశ్వరం ప్రాజెక్టు ద్వారా చెరువులు, కుంటల్లో పుష్కలమైన నీరు వచ్చి చేరిందని వరంగల్​ గ్రామీణ జిల్లా మొగుళ్లపల్లి మండలంలో జడ్పీ ఛైర్​ పర్సన్​ గండ్ర జ్యోతి పేర్కొన్నారు. త్వరలోనే రెండు పడక గదుల ఇళ్లను ప్రారంభిస్తామని ఆమె పేర్కొన్నారు.

రైతులను రాజుల్లా చూడాలనే లక్ష్యంతో సీఎం కేసీఆర్​ నియంత్రిత సాగు విధానాన్ని ప్రవేశపెట్టారని.. కరోనా విపత్కర పరిస్థితుల్లోనూ రైతుల రుణమాఫీ కోసం రూ. 1,200 కోట్ల నిధులను మంజూరు చేశారని ఆమె చెప్పారు. ఇది దృష్టిలో పెట్టుకుని రైతులంతా సీఎం చెప్పిన పంటలనే సాగు చేయాలని గండ్ర జ్యోతి కోరారు.