వరంగల్ గ్రామీణ జిల్లాలో ఇసుక లారీ బీభత్సం సృష్టించింది. అతివేగంగా వచ్చి ఓ ఆటోను ఢీ కొట్టిన ఘటనలో ఒక మహిళా, ఆటో డ్రైవర్ ప్రాణాలు కోల్పోయారు. తెల్లవారుజామున 5 గంటలకు ఈ ఘోర రోడ్డు ప్రమాదం చోటుచేసుకుంది. వరంగల్ కూరగాయల మార్కెట్ నుంచి ఇద్దరు మహిళలతో ఆటో పరకాల మార్కెట్కు వెళ్తోంది.
అదే క్రమంలో దామెర మండలం ఒగ్లాపూర్ సైలాని బాబా దర్గా సమీపంలోని జాతీయ రహదారి వద్దకు రాగానే అతి వేగంగా వచ్చిన ఇసుక లారీ ఆటోను ఢీ కొట్టింది. ఈ ప్రమాదంలో మహిళా వ్యాపారి, ఆటో డ్రైవర్ అక్కడికక్కడే మృతి చెందగా.. మరో మహిళకు తీవ్ర గాయాలయ్యాయి. ఆమెను వరంగల్ ఎంజీఎంకు తరలించిన పోలీసులు ఘటనకు సంబంధించిన వివరాలు సేకరిస్తున్నారు. మృతుల వివరాలు ఇంకా తెలియాల్సి ఉంది.
ఇదీ చూడండి:
