చెన్నకేశవస్వామి ఆలయ అభివృద్ధికి తన వంతు కృషి చేస్తానని పరకాల ఎమ్మెల్యే చల్లా ధర్మారెడ్డి అన్నారు. హోలీ సందర్భంగా వరంగల్ రూరల్ జిల్లా దామెర మండలం కోగిల్వాయి గ్రామంలోని ఆలయంలో జరిగిన స్వామివారి కల్యాణోత్సవంలో సతీసమేతంగా ఆయన పాల్గొన్నారు.
అనంతరం స్వామివారికి ప్రత్యేక పూజలు నిర్వహించారు. నియోజకవర్గ ప్రజలందరికీ ఎమ్మెల్యే దంపతులు హోలీ శుభాకాంక్షలు తెలిపారు. వచ్చే ఏడాదిలోగా పూర్తి స్థాయిలో ఆలయాన్ని అభివృద్ధి చేస్తామన్నారు. ఆ తర్వాత నిర్వహించిన అన్నదాన కార్యక్రమంలో వారు పాల్గొన్నారు. ఈ కార్యక్రమానికి మండల ప్రజాప్రతినిధులు, నాయకులు, భక్తులు పెద్దఎత్తున హాజరయ్యారు.
