అనాథలే అతనికి సెలబ్రెటీలు

వాళ్లు సెలబ్రిటీలు కాదు.. పేరున్న రాజకీయ నాయకులు అంతకన్నా కాదు... వారు తల్లి తండ్రి లేని అనాథలు.. కానీ ఓ వ్యక్తికి వాళ్లే సెలబ్రిటీలయ్యారు. వారి చేతులమీదుగా తన షాపును ప్రారంభించారు.

వరంగల్ గ్రామీణ జిల్లా నర్సంపేట పట్టణంలో తారక శ్రీరామ పుట్ వేర్ షాపును గుగులోతు విక్రమ్ పెట్టుకున్నాడు. ఆ ప్రారంభోత్సవానికి సినీకథానాయకులనో, రాజకీయ నాయకులనో పిలువలేదు. అందరి కంటే భిన్నంగా నర్సంపేట పట్టణంలోని సంజీవని ఆశ్రమానికి చెందిన అనాథ పిల్లలను ఆహ్వానించాడు. ఆ చిన్నారుల చేతుల మీదుగా షాపును ప్రారంభించాడు. అంతేకాదు వారందరికి పాదరక్షలు ఇచ్చి తన మంచితనాన్ని చాటుకున్నాడు.