పోలింగ్ కేంద్రాలకు ఎన్నికల సామాగ్రి తరలింపు

వరంగల్​లోని 290 పోలింగ్ కేంద్రాలకు 290 ఈవీఎంలు, అవసరమైన సామగ్రి పంపిణీ చేయడానికి సిద్ధం చేస్తున్నారు అధికారులు. పోలింగ్ సిబ్బందికి దశల వారీగా వీటిపై అవగాహన కల్పించారు.

పార్లమెంట్ ఎన్నికలకు అధికార యంత్రాంగం అన్ని ఏర్పాట్లు పూర్తిచేసింది. వరంగల్ పార్లమెంటు నియోజకవర్గం నుంచి వరంగల్ తూర్పు, పశ్చిమ వర్ధన్నపేట పరకాల నియోజక వర్గాలకు సంబంధించిన ఈవీఎంలు, వీవీప్యాట్​లను ఏనుమాముల వ్యవసాయ మార్కెట్ నుంచి పంపిణీ చేస్తున్నారు. అధికారులు ఇప్పటికే పోలింగ్ సిబ్బందికి అవసరమైన శిక్షణను అందించారు. రవాణా సౌకర్యంతో పాటు వారికి భోజన సౌకర్యాలను కల్పించారు.

కాసేపట్లో ఎన్నికల రిటర్నింగ్ అధికారి పట్టణ కలెక్టర్ ప్రశాంత్ పాటిల్ నేతృత్వంలో 290 పోలింగ్ కేంద్రాలకు 290 ఈవీఎంలు పంపిణీ చేయనున్నారు. ముప్పై ఐదు రూట్లలో 35 మంది సెక్టోరియల్ అధికారుల సమక్షంలో వీటిని తరలించనున్నారు. సమస్యాత్మక గ్రామాలలో పటిష్ట బందోబస్తు నిర్వహిస్తున్నట్లు అధికారులు తెలిపారు.

ఇవీ చూడండి: 'ఓటేసేందుకు దేశాలు దాటి రావాల్సిందేనా?'