వరంగల్ గ్రామీణ జిల్లాలో కరోనా రోజురోజుకు విస్తరిస్తున్నది. తాజాగా వర్ధన్నపేట పోలీస్ స్టేషన్లోని ఏడుగురు సిబ్బందికి పాజిటివ్ సోకింది. వర్ధన్నపేట సీఐ విశ్వేశ్వర్ ఈ విషయంపై స్పందించి.. ప్రజలకు పలు సూచనలు చేశారు. ఏవైనా ఫిర్యాదులు ఉంటే పోలీస్ స్టేషన్ ఎదుట ఉన్న ఫిర్యాదు బాక్స్లో వేయాలని తెలిపారు.
అత్యవసరమైతే ఫోన్లో సంప్రదించాలని సూచించారు. చిన్న చిన్న విషయాలకు పోలీస్ స్టేషన్కు వచ్చి ప్రజలు ఇబ్బందులు పడొద్దన్నారు. కాగా, ఏడుగుగురు సిబ్బందికి కరోనా పాజిటివ్ రాగా వారిని హోం క్వారంటైన్లో ఉంచి చికిత్స అందిస్తున్నామని తెలిపారు. వారి ఆరోగ్యం నిలకడగానే ఉందన్నారు. పోలీస్ స్టేషన్ శానిటైజేషన్ చేయించామని, వారి ఆరోగ్య వివరాలు ఎప్పటికప్పుడు పరిశీలిస్తున్నామని సీఐ తెలిపారు.
ఇదీ చదవండి: దేశంలో ఏ పార్టీకి లేని పటిష్ఠమైన యంత్రాంగం తెరాసకు ఉంది: కేటీఆర్
