ఈ నెల 16న కరోనా వాక్సినేషన్ కార్యక్రమాన్ని విజయవంతం చేసేందుకు ప్రతి ఒక్కరూ కృషిచేయాలని పరకాల ఎమ్మెల్యే చల్లా ధర్మారెడ్డి అన్నారు. వరంగల్‌ రూరల్‌ జిల్లా పరకాల పట్టణంలోని సివిల్ హాస్పిటల్లో ఏర్పాటు చేసిన సమావేశంలో ఎమ్మెల్యే చల్లా ధర్మారెడ్డి పాల్గొన్నారు. ప్రపంచాన్ని పట్టి పీడిస్తున్న కరోనా వైరస్ను అంతమొందించే సమయం ఆసన్నమైందని తెలిపారు.
అన్ని ఏర్పాట్లు పూర్తి..
వాక్సినేషన్ కార్యక్రమానికి అన్ని ఏర్పాట్లు చేసినట్లు ఎమ్మెల్యే తెలిపారు. ఇప్పటికే వాక్సిన్ వేయడం కోసం వైద్యులకు, ఇతర సిబ్బందికి శిక్షణ ఇచ్చామన్నారు. 16న పరకాల,ఆత్మకూరు టీకా వేయనున్నట్లు తెలిపారు. ఈ వాక్సినేషన్ కార్యక్రమంలో రెవెన్యూ, మెడికల్, పోలీస్, విద్యుత్ తదితర శాఖలు కీలకపాత్ర పోషించనున్నాయన్నారు. తొలి విడతలో వైద్య,ఆరోగ్య సిబ్బందికి,అంగన్వాడీ,ఆశ కార్యకర్తలకు వాక్సిన్ ఇస్తామన్నారు.
కరోనా కథ ముగింపు..
ఈ వాక్సిన్ వల్ల ఎలాంటి ఆరోగ్య సమస్యలుండవని ప్రజలు భయాందోళన చెందవద్దని అన్నారు. అందరూ కలిసి పనిచేస్తేనే ఈ కార్యక్రమం విజయవంతం చేయగలమన్నారు. ఈ వాక్సిన్తో కరోనా కథ ముగియనుందన్నారు. ప్రజలు ఆయురాగ్యాలతో ఉండాలని మనస్ఫూర్తిగా ఆ భగవంతుణ్ణి కోరుకుంటున్నాని తెలిపారు.
ఇదీ చూడండి: 'దేశంలో 11 నగరాలకు చేరిన కొవాగ్జిన్'
