జేబు దొంగలొచ్చారు జాగ్రత్త... అవునూ.. మీ పక్కనే నిలపడి మీకు తెలియకుండానే మీ జేబులోని వస్తువులను మీకు తెలియకుండా కొట్టేస్తారు. వరంగల్ గ్రామీణ జిల్లా నర్సంపేట పట్టణానికి చెందిన గజ్జి హనుమంతురావు అంబేడ్కర్ సెంటర్లోని భగవతి స్వీట్ హౌజ్కి వెళ్లాడు. పక్కనే ఉన్న ఓ కేటుగాడు ఎంతో చాకచక్యంగా ఫోన్ కొట్టేసి పలాయనం చిత్తగించాడు. బయటకి వెళ్లాక కానీ తన జేబులో నుంచి సెల్ఫోన్ పోయిందని గుర్తించలేకపోయాడు బాధితుడు. చేసేదేమీ లేక హనుమంతరావు నర్సంపేట పోలీసులకు ఫిర్యాదు చేశాడు. సీసీ ఫుటేజ్ లో దొంగతనం జరిగిన తీరు చూసి పోలీసులు ఆశ్చర్యపోయారు. దొంగ ఎక్కడి ప్రాంతం వాడనే విషయంపై పోలీసులు ఆరా తీస్తున్నారు.
ఫోన్ ఎలా కొట్టేశాడో చూడండి...!
ఇవీ చూడండి: దొంగగా మార్చిన అప్పులు, కుటుంబ పోషణ
