వరంగల్ గ్రామీణ జిల్లా గీసుకొండ మండలం గొర్రెకుంట బావిలో దొరికిన మక్సూద్ కుటుంబ సభ్యుల 6 మృతదేహాలకు అంత్యక్రియలను బంధువులు పూర్తి చేశారు. స్థానికుల ముస్లిం పెద్దల సమక్షంలో పోతన రోడ్డులోని కబ్రిస్తాన్లో ముస్లిం సాంప్రదాయం ప్రకారం ఆరుగురికి అంతక్రియలు చేశారు.
ముందుగా సంగెం తహసీల్దార్.. మృతుల బంధువుల నుంచి వాంగ్మూలం తీసుకున్న అనంతరం మృతదేహాలను అప్పగించారు. అయితే బిహార్కు చెందిన శ్రీరామ్, శ్యామ్ మృతదేహాలతో పాటు షకీల్ మృతదేహానికి క్లియరెన్స్ రాకపోవడం వల్ల వాటిని మార్చురీలోనే భద్రపరిచారు. పోలీసుల నుంచి క్లియరెన్స్ రాగానే మిగిలిన మూడు మృతదేహాలకు అంతక్రియలు చేస్తామని అధికారులు తెలిపారు.
ఇదీ చదవండి: గొర్రెకుంట హత్యల నిందితునికి 14 రోజుల రిమాండ్
