వరంగల్ గ్రామీణ జిల్లా జఫర్గఢ్ మండలం హిమ్మత్నగర్కు చెందిన రాజేందర్ అనే వ్యక్తి వర్దన్నపేట శివారులోని కోనారెడ్డి చెరువులో చేపల వేటకు వెళ్లి గల్లంతయ్యాడు. స్థానిక ఎమ్మెల్యే ఆరూరి రమేశ్ చొరవతో రంగంలోకి దిగిన ఎన్డీఆర్ఎఫ్ బృందాలు రెండ్రోజులుగా అవిశ్రాంతంగా గాలింపు చేపట్టారు. ఆదివారం ఉదయం వరద ప్రవాహంలో కొట్టుకుపోతున్న రాజేందర్ మృతదేహాన్ని ఎన్డీఆర్ఎఫ్ బృందం గుర్తించింది. మృతదేహాన్ని ఒడ్డుకు చేర్చి పోస్టుమార్టం నిమిత్తం వరంగల్ ఎంజీఎం ఆస్పత్రికి తరలించారు.
రెండ్రోజుల నుంచి తమ కుమారుడు తిరిగి వస్తాడని ఎదురు చూసిన ఆ తల్లిదండ్రులు నిర్జీవంగా ఉన్న రాజేందర్ను చూసి కన్నీరుమున్నీరుగా విలపించారు. రాజేందర్ మృతి పట్ల ఎమ్మెల్యే ఆరూరి రమేశ్ సంతాపం వ్యక్తం చేశారు. అతణ్ని కాపాడేందుకు శతవిధాలా ప్రయత్నించినా ఫలితం లేకుండా పోయిందని ఆవేదన వ్యక్తం చేశారు.
