లాక్డౌన్ సమయాన్ని సద్వినియోగం చేసుకుంటూ వనపర్తి జిల్లాకు చెందిన ఓ విద్యార్థి ఎలక్ట్రిక్ సైకిల్ తయారు చేశాడు. పర్యావరణ పరిరక్షణకు పెట్రోల్ వాడకం తగ్గించాలని దీన్ని రూపొందించినట్లు తెలిపాడు.
పాత సైకిల్తో..
అమరచింత మండలం ప్రతాప్‌నగర్‌కు చెందిన ఇంటర్‌ విద్యార్థి మణికంఠ పాత సైకిల్ను ఎలక్ట్రిక్ సైకిల్‌గా మార్చాడు. దీనికోసం యూట్యూబ్లో వీడియోలు చూసి కావాల్సిన వస్తువులు , తయారీ విధానం సేకరించాడు. బ్యాటరీ, కంట్రోలర్, మోటార్, త్రోటల్, బ్రేక్, హెడ్ లైట్, ఛార్జర్, తాళం ఉన్న కిట్ తెప్పించుకుని పాత సైకిల్‌కు బిగించాడు.
4 గంటల ఛార్జింగ్.. 25 కి.మీ.
4 గంటల ఛార్జింగ్‌తో 25 కిలోమీటర్లు ప్రయాణం చేయవచ్చని మణికంఠ చెబుతున్నాడు. 13వేల 500తో ఈ ఎలక్ట్రిక్ సైకిల్ను తయారు చేశానని తెలిపాడు. కుమారుడు తయారు చేసిన సైకిల్ను చూసి తల్లిదండ్రులు సంతోషం వ్యక్తం చేస్తున్నారు. పర్యావరణ పరిరక్షణకు తన వంతు సాయం చేయాలనే ఈ సైకిల్ను రూపొందించినట్లు మణికంఠ తెలిపాడు.
- ఇదీ చదవండి : ఎండిపోయిన చెరువులో శవాన్ని విడిచిపెట్టిన పోలీస్
