ఎల్ఆర్ఎస్ను రద్దు చేయాలని డిమాండ్ చేస్తూ జిల్లా రియల్ ఎస్టేట్ అసోసియేషన్, దస్తావేజుల లేఖర్లు.. వనపర్తి ఆర్డీవో కార్యాలయం ముందు ధర్నా చేపట్టారు. ప్రభుత్వానికి వ్యతిరేకంగా నినాదాలు చేశారు.
అర్హత గల దస్తావేజుల లేఖర్లకు లైసెన్సులు మంజూరు చేయాలి. కరోనాతో ఆర్థిక ఇబ్బందులు పడుతున్న సామాన్యులకు..ఎల్ఆర్ఎస్ మరింత భారంగా మారింది. దీనిని ప్రభుత్వం వెంటనే రద్దు చేయాలి.
- వనపర్తి జిల్లా రియల్ ఎస్టేట్ అసోసియేషన్
నూతనంగా రూపొందించిన ధరణి పోర్టల్లో పూర్తిగా తప్పులు ఉన్నాయన్నారు. వాటిని సరిచేసి రిజిస్ట్రేషన్ విధానాన్ని పాత పద్ధతిలోనే కొనసాగించాలని డిమాండ్ చేశారు. పలు డిమాండ్లతో వినతిపత్రాన్ని ఆర్డీవోకు అందజేశారు.
ఇదీ చూడండి: ప్రజల సమాచారం ప్రభుత్వం సేకరిస్తే అంగీకరించం: హైకోర్టు
