చేప పిల్లలను విడుదల చేసిన ఎమ్మెల్యే ఆల

వనపర్తి జిల్లాలో మత్స్యశాఖ ఆధ్వర్యంలో చేప పిల్లల పంపిణీ కార్యక్రమం నిర్వహించారు. ఎమ్మెల్యే ఆల వెంకటేశ్వర్​ రెడ్డి పాల్గొని, చేపలను విడుదల చేశారు.

వనపర్తి జిల్లా మదనాపురం మండలంలోని సరళాసాగర్ ప్రాజెక్టులో మత్స్యశాఖ ఆధ్వర్యంలో చేప పిల్లల పంపిణీ కార్యక్రమం నిర్వహించారు. దేవరకద్ర ఎమ్మెల్యే ఆల వెంకటేశ్వర్​ రెడ్డి పాల్గొని చేప పిల్లలను విడుదల చేశారు. చేపపిల్లలను పెంచడం వల్ల మత్స్యకార కుటుంబాలకు ఉపాధి అవకాశాలు పెరుగుతాయని ఎమ్మెల్యే అన్నారు. రాష్ట్ర ప్రభుత్వం ఉచితంగా అమలు చేస్తున్న ఈ పథకాన్ని వారు సద్వినియోగం చేసుకోవాలన్నారు. కార్యక్రమంలో జిల్లా పరిషత్ వైస్ ఛైర్మన్ వామన్​ గౌడ్, మదనాపురం ఎంపీపీ పద్మావతి, పలువురు స్థానిక ప్రజాప్రతినిధులు పాల్గొన్నారు.

ఇదీ చూడండి: ఒడిశా: కాటికి పోతూ కళ్లు తెరిచాడు!