ద్విచక్రవాహనాన్ని ఢీకొన్న తుఫాన్​ వాహనం.. ఇద్దరు మృతి

వనపర్తి జిల్లా ఖిల్లాగణపురం మండలం కర్ణతండా సమీపంలో ద్విచక్రవాహనాన్ని ఎదురుగా వస్తోన్న తుఫాన్​ వాహనం ఢీ కొట్టింది. ఈ ఘటనలో ఇద్దరు మృతిచెందగా, మరోకరు తీవ్రంగా గాయపడ్డారు.

వనపర్తి జిల్లా ఖిల్లాగణపురం మండలం కర్ణెతండా సమీపంలో రోడ్డు ప్రమాదం జరిగింది. ఎదురుగా వస్తున్న ద్విచక్రవాహనాన్ని తుఫాన్ వాహనం ఢీ కొట్టింది. ఈ ప్రమాదంలో మోటార్​సైకిల్​పై ఉన్న తండ్రి, కుమారుడు అక్కడికక్కడే మృతిచెందారు. మరొకరు తీవ్రంగా గాయపడ్డారు. కర్ణె తండాకు చెందిన పరమేశ్​ నాయక్​ తన ఇద్దరు కుమారులతో ఖిల్లా గణపురానికి వెళ్లి వస్తుండగా దుర్ఘటన చోటుచేసుకుంది. తుఫాన్​ వాహనంలోని వారూ గాయపడ్డారు. క్షతగాత్రులను మహబూబ్​నగర్​లో ఆస్పత్రికి తరలించారు.

ఇవీ చూడండి: ఆటోలో 24 మంది... క్లాస్​ తీసుకున్న పోలీసులు