సెప్టిక్​ ట్యాంక్​లో పడి ఇద్దరు చిన్నారుల మృతి

వికారాబాద్​ జిల్లా ఇబ్రహీంపూర్​లో సెప్టిక్​ట్యాంక్​లో పడి ఇద్దరు చిన్నారులు మృత్యువాత పడ్డారు.

వికారాబాద్​ జిల్లా పరిగి మండలం ఇబ్రహీంపూర్​లో విషాదం చోటుచేసుకుంది. ఇద్దరు చిన్నారులు సెప్టిక్​ ట్యాంక్​ సంప్​లో పడి మృతిచెందారు. ఇబ్రహీంపూర్​కు చెందిన ఆరీఫ్​ ఇవాళ సాయంత్రం దుబాయ్​ ప్రయాణమవుతున్నాడు. అతన్ని చూసేందుకు సోదరి తన పిల్లలతో సహా ఇబ్రహీంపూర్​ వచ్చింది. అంతలో ఇద్దరు చిన్నారులు ఆడుకునేందుకు బయటకువెళ్లారు. అలా ఆడుతూ... నూతనంగా నిర్మిస్తున్న సెప్టిక్​ ట్యాంక్​ సంప్​లో పడి మరణించారు. ఉదయం ఆడుకునేందుకు బయటకు వెళ్లిన పిల్లలు ఎంతకీ రాకపోవడం వల్ల వెతకడం ప్రారంభించారు కుటుంబ సభ్యులు.. ఎట్టకేలకు సెప్టిక్​ ట్యాంక్​లో చిన్నారుల మృతదేహాలను గుర్తించారు. విగతజీవులుగా మారిన చిన్నారులను చూసి బంధువులు కన్నీటిపర్యంతమయ్యారు. బాధితులను ఎమ్మెల్యే మహేష్​ పరామర్శించారు.

ఇవీ చూడండి: చెవులు, గొంతు కోసి దారుణంగా హత్య