ఆసుపత్రిలో పారిశుద్ధ్యం ఉండాలని కలెక్టర్​ ఆదేశం

వికారాబాద్ జిల్లా తాండూర్​లోని ఆస్పత్రిలో కలెక్టర్ అయేషా మస్రత్ ఖానమ్​ శనివారం తనిఖీలు చేశారు. ఆస్పత్రిలో వివిధ వార్డులను పరిశీలించారు. రోగులకు అందుతున్న వైద్యసేవలు అడిగి తెలుసుకున్నారు.

వికారాబాద్ జిల్లా తాండూర్​లోని ఆస్పత్రిని జిల్లా కలెక్టర్ అయేషా మస్రత్ ఖానమ్ శనివారం తనిఖీలు చేశారు. ఆసుపత్రిలో పారిశుద్ధ్యం పెంపొందించాలని సూపరింటెండెంట్​ను కలెక్టర్ ఆదేశించారు. ఆసుపత్రిలో రోగులు దోమల భారిన పడకుండా ఈ సమస్యను పరిష్కరించాలని సూచించారు. ఆసుపత్రికి వచ్చే రోగులకు తాగునీటి సౌకర్యం కల్పించాలన్నారు. మందుల కొరత లేకుండా చూడాలని సూచించారు. తమకు వేతనాలు ఇవ్వడం లేదని ఆసుపత్రి భద్రతా సిబ్బంది కలెక్టర్​కు వినతిపత్రం సమర్పించారు. వేతనాలు సక్రమంగా అందేలా చర్యలు తీసుకుంటామని జిల్లా పాలనాధికారి సిబ్బందికి భరోసా ఇచ్చారు.

ఇదీ చూడండి : క్వాలిఫై కాకుండా ఉద్యోగం ఎలా ఇచ్చారు?