పరిగిలో ఆర్టీసీ డ్రైవర్​ ఆత్మహత్యాయత్నం

వికారాబాద్​ జిల్లా పరిగిలో ఆర్టీసీ డ్రైవర్​ ఆత్మహత్యకు యత్నించాడు. ఫీజు చెల్లించలేదని కళాశాల యాజమాన్యం తన కుమార్తెను బయటకు పంపించేశారని ఆవేదన వ్యక్తం చేశాడు. రెండు నెలలుగా వేతనాలు రాక తీవ్ర ఇబ్బందులు పడుతున్నామని వాపోయాడు.

వికారాబాద్​ జిల్లా పరిగిలో ఆర్టీసీ కార్మికుడు ఆత్మహత్యాయత్నానికి ప్రయత్నించాడు. బస్సు కిందకి దూకి అఘాయిత్యానికి పాల్పడ్డాడు. బస్సు డ్రైవర్​ చాకచక్యంగా వ్యవహరించడం వల్ల ప్రమాదం తప్పింది. పరిగిలో ఆర్టీసీ డిపోలో వెంకటయ్య డ్రైవర్​గా పనిచేస్తున్నాడు. ఫీజు చెల్లించలేదని తన కుమార్తెను కళాశాల నుంచి బయటకు నెట్టివేశారని మనస్తాపానికి గురయ్యాడు. రెండు నెలలుగా వేతనాలు రాక జీవనం దుర్భరంగా మారిందని వాపోయాడు. కనీస అవసరాలకు సైతం ఇతరులపై ఆధారపడాల్సి వస్తోందని కన్నీటిపర్యంతం అయ్యారు.

ఇవీచూడండి: సమ్మెపై హైకోర్టులో సుదీర్ఘ వాదనలు... విచారణ రేపటికి వాయిదా...