వికారాబాద్ కలెక్టరేట్లో ముప్పై రోజుల కార్యాచరణపై జడ్పీటీసీ, ఎంపీటీసీలకు అవగాహన సదస్సు నిర్వహించారు. జడ్పీ ఛైర్పర్సన్ సునీతారెడ్డి, ఎంపీ రంజిత్రెడ్డి, కలెక్టర్ అయేషా.. చేపట్టాల్సిన పనులపై దిశానిర్దేశం చేశారు. గ్రామాలన్నీ ఆదర్శంగా మారాలని సునీతారెడ్డి ఆకాంక్షించారు.
ఈనెల 6 నుంచి నెలరోజుల పాటు జరిగే కార్యక్రమంలో తొలిరోజు గ్రామసభ, రెండోరోజు కమిటీలు, కో ఆప్షన్ సభ్యులను ఎన్నుకోనున్నారని ఎంపీ తెలిపారు. నిధులు నేరుగా పంచాయతీలకే కేటాయించినందున గ్రామాల్లో సమూల మార్పులు వస్తాయన్నారు.
ముప్పై రోజుల ప్రణాళికతో గ్రామాల్లోని పారిశుద్ధ్యం, విద్యుత్ సరఫరాలో అంతరాయం వంటి సమస్యలు తొలగిపోతాయని కలెక్టర్ తెలిపారు. ప్రతీ గ్రామంలో డంపింగ్ యార్డు, వైకుంఠధామం నిర్మాణం చేస్తామని వెల్లడించారు.
ఇవీ చూడండి : "రాజన్న నేను కడుపులో ఏదుంటే అదే మాట్లాడుతం"
