రెండు కార్లు ఢీ... మంటల్లో బుగ్గి

ఎదురెదురుగా వస్తున్న రెండు కార్లు ఢీకొన్నాయి. ఒక్కసారిగా మంటలు చెలరేగి పూర్తిగా వ్యాపించాయి. ప్రయాణికులు వెంటనే కార్లలోంచి దిగారు. ప్రాణనష్టం తప్పింది.

వికారాబాద్​ జిల్లా పూడురు మండలం కండ్లపల్లి గేటు సమీపంలో ఎదురెదురుగా వస్తున్న రెండు కార్లు ఢీ కొన్నాయి. మంటలు చెలరేగి దగ్ధం అయ్యాయి. ప్రమాదంలో ఏడుగురికి గాయాలయ్యాయి.

జరిగిందిలా...

హైదరాబాద్​లోని బేగం బజార్​కు చెందిన నలుగురు స్నేహితులు కారులో వికారాబాద్ బయలుదేరారు.పూడురు మండలం మన్నెగూడకు చెందిన కారు ఎదురుగా వచ్చిఢీ కొట్టింది. ఒక్కసారిగా మంటలు చెలరేగాయి. రెండు కార్లలో ఉన్నవారు బయటకి రావటంతో ప్రాణనష్టం జరగలేదు. అగ్నిమాపక సిబ్బంది ఘటనా స్థలానికి చేరుకుని మంటలు ఆర్పారు. కారులో ప్రయాణిస్తున్న ముగ్గురికి తీవ్రగాయాలు కాగా మరో నలుగురికి స్వల్ప గాయాలయ్యాయి. ఇద్దరి పరిస్థితి విషమంగా ఉంది.

ఇవీ చూడండి:కొండచరియలు విరిగి 10మంది మృతి