కల్తీ కల్లుతాగి వృద్ధురాలు మృతి... 17 మందికి అస్వస్థత

కల్తీ కల్లు తాగిన ఓ వృద్ధురాలు మృతి చెందింది. 17 మంది వాంతులు, విరేచనాలతో ఆసుపత్రి పాలయ్యారు. ఈ ఘటన వికారాబాద్​ జిల్లా నవాబు పేట మండలం చించల్​పేటలో జరిగింది.

వికారాబాద్​ జిల్లా నవాబు పేట మండలం చించల్​పేటలో దారుణం జరిగింది. కల్తీ కల్లుతాగి వృద్ధురాలు మృతి చెందగా... 17 మంది ఆస్పత్రిపాలయ్యారు. బాధితులంతా ఆదివారం రాత్రి ఓ దుకాణం నుంచి కల్లు తెప్పించుకుని తాగారు. సోమవారం అందరూ అస్వస్థతపాలవ్వడం వల్ల వైద్య సిబ్బంది వెళ్లి మందులు ఇచ్చారు.

సోమవారం రాత్రి 11 గంటల సమయంలో కల్లు తాగినవారందికీ వాంతులు, విరేచనాలు అవ్వడం వల్ల గ్రామ సర్పంచ్​ హుటాహుటిన బాధితులందరినీ వికారాబాద్​లోని ఓ ప్రైవేటు ఆస్పత్రికి తరలించారు. అప్పటికే ఓ వృద్ధురాలు ప్రాణాలు కోల్పోయింది. ప్రస్తుతం ఆస్పత్రిలో 14 మంది చికిత్స పొందుతుండగా మిగిలిన వారిని డిశ్చార్జ్ చేశారు.

ఇవీ చూడండి: క్వారంటైన్​కు కొత్త రూల్- గంటకో సెల్ఫీ తప్పనిసరి!