లంచం ఇవ్వడానికి భిక్షాటన చేసిన రైతు

పట్టాదారు పాసుపుస్తకం కోసం వీఆర్వో వద్దకు వెళ్లిన రైతును లంచం అడిగాడు ఆ అధికారి. చేతిలో చిల్లిగవ్వలేక  విధిలేని స్థితిలో ఆ రైతు భిక్షాటన చేశాడు

ప్రభుత్వ ఉద్యోగికి లంచం ఇవ్వడానికి నల్గొండ జిల్లాలో ఓ రైతు భిక్షాటన చేశాడు. డిండి మండలం గొనకల్​ గ్రామానికి చెందిన జయరాములుకు ఎకరం ఎనిమిది గుంటల భూమి ఉంది. రాష్ట్ర ప్రభుత్వం ప్రవేశపెట్టిన నూతనపట్టాదారు పాసుపుస్తకం కోసం వీఆర్వో పుల్లయ్య దగ్గరికి వెళ్లగా... అతను 40వేల రూపాయల లంచం అడిగాడు. తనవద్ద అంత డబ్బులేదని ఆ రైతు దేవరకొండలో భిక్షాటన చేశాడు.