వైభవంగా శ్రీరామ పట్టాభిషేక మహోత్సవం

సూర్యాపేట జిల్లాలోని శ్రీకోదండరామ ఆలయంలో శ్రీరాముని పట్టాభిషేకం ఘనంగా నిర్వహించారు. యాదాద్రి దేవస్థాన అర్చకులు లక్మీనరసింహచార్యులు దగ్గరుండి ఈ కార్యక్రమాన్ని జరిపించారు.

సూర్యాపేట జిల్లా నడిగూడెం మండలం వేణుగోపాలపురం గ్రామంలోని శ్రీకోదండరామ స్వామి ఆలయంలో శ్రీరామనవమి సందర్భంగా కల్యాణోత్సవం ఘనంగా నిర్వహించారు. ఇవాళ శ్రీరాములవారికి వైభవంగా పట్టాభిషేకం చేశారు. యాదాద్రి అర్చకులు నల్లందిగల్​ లక్మీనరసింహాచార్యులు వేణుగోపాలపురం గ్రామస్థుడు కావడం వల్ల ఆయన చేతుల మీదుగా జరిపించారు.

శ్రీకోదండరామ స్వామి ఆలయానికి వంద సంవత్సరాల చరిత్ర ఉంది. కొల్లు పాపయ్య చౌదరి అనే వ్యక్తి కలలోకి శ్రీసీతారామస్వామి వచ్చి గుడిని నిర్మించాలని కోరాగా.. 1933లో ఈ ఆలయాన్ని నిర్మించారని గ్రామస్థులు చెబుతున్నారు. ఈ దేవస్తానానికి నూట ఒక్క ఎకరాల భూమిని దానంగా ఇచ్చారని స్థానికులు అంటున్నారు. పూర్వం ఈ గ్రామం కృష్ణాజిల్లాలో ఉండగా.. తర్వాత నల్గొండలోకి మారింది. ప్రస్తుతం సూర్యాపేట జిల్లాలో ఉంది.

ఇదీ చూడండి: భూ వివాదంలో నడిరోడ్డుపై హత్యాయత్నం