సూర్యాపేటలో ఆర్టీసీ కార్మికుల అరెస్ట్​

సూర్యాపేట జిల్లా కేంద్రంలోని ఆర్టీసీ డిపో ముందు ఆందోళన చేస్తున్న ఆర్టీసీ కార్మికులను పోలీసులు అరెస్ట్​ చేశారు. పోలీసుల అదుపులో ఉన్న కార్మికులు, వామపక్ష, కాంగ్రెస్​ కార్యకర్తలకు కాంగ్రెస్​నేత హనుమంతరావు సంఘీభావం తెలిపారు.

సూర్యాపేట ఆర్టీసీ డిపో ముందు ఆందోళన జరుపుతున్న ఆందోళనకారులను పోలీసులు అరెస్టు చేశారు. బస్సులు బయటకు వెళ్లకుండా అడ్డుకుంటున్న కార్మికులను అదుపులోకి తీసుకుని పోలీస్​స్టేషన్​కు తరలించారు. కార్మికులకు మద్దతుగా ధర్నాలో పాల్గొన్న కాంగ్రెస్, వామపక్షాల కార్యకర్తలను అరెస్టు చేయడం వల్ల స్టేషన్ ముందు ధర్నాకు దిగారు. హుజూర్​నగర్ ఉప ఎన్నికల ప్రచారానికి వెళ్లొస్తూ.. ఆర్టీసీ సమ్మెకు మద్దతుగా పోలీస్​ల అదుపులో ఉన్న కార్మికుల వద్దకు చేరుకున్న కాంగ్రెస్ సీనియర్​నేత, మాజీమంత్రి వి. హనుమంతరావు వారికి సంఘీభావం తెలిపారు. ప్రభుత్వం సత్వరమే దిగివచ్చి ఆర్టీసీ కార్మికులతో చర్చలు జరపాలన్నారు.

ఇదీ చూడండి: అఖిలపక్షం ఆధ్వర్యంలో ఆర్టీసీ కార్మికుల ధర్నా