చెరువులో పడి యువకుడు మృతి

సూర్యాపేట జిల్లా కోదాడలో విషాదం చోటుచేసుకుంది. పట్టణంలోని పెద్ద చెరువులో పడి పవన్​ అనే యువకుడు మృతి చెందాడు. పోలీసులు కేసు నమోదు చేసుకుని దర్యాప్తు చేపట్టారు.

సూర్యాపేట జిల్లా కోదాడ పట్టణంలోని పెద్ద చెరువులో పడి పవన్(30) అనే యువకుడు మృతి చెందాడు. రోజులానే సాయంత్రం వాకింగ్​కి వెళ్లిన పవన్ చెరువులో విగతజీవిగా పడి ఉండడం స్థానికులు గమనించి బయటకు తీశారు. హైదరాబాద్​లో సాఫ్ట్​వేర్ ఇంజినీర్​గా పనిచేస్తున్న పవన్ లాక్​డౌన్​ నేపథ్యంలో ఇంటి వద్దే ఉంటున్నాడు. చేతికందిన కొడుకు చేజారిపోయాడని తల్లిదండ్రులు బోరున విలపించారు. పోలీసులు కేసు నమోదు చేసుకుని దర్యాప్తు చేపట్టారు.

ఇవీ చూడండి: ఉరేసుకుని యువరైతు ఆత్మహత్య