కాంగ్రెస్​ గెలిస్తే అభివృద్ధి ఆగిపోతుంది: నామా

సూర్యాపేట జిల్లా హుజూర్​నగర్​ తెరాస పార్టీ కార్యాలయంలో ఖమ్మం ఎంపీ నామా నాగేశ్వర రావు విలేకరుల సమావేశం నిర్వహించారు. నియోజకవర్గానికి అభివృద్ధి తెరాసతోనే సాధ్యమని స్పష్టం చేశారు.

సూర్యాపేట జిల్లా హుజూర్​నగర్​ ఉప ఎన్నికల్లో కాంగ్రెస్​కు ఓటు వేస్తే అభివృద్ధి ఆగిపోతుందని ఖమ్మం ఎంపీ నామా నాగేశ్వర రావు అన్నారు. హుజూర్​నగర్​ తెరాస పార్టీ కార్యాలయంలో నామా విలేకరుల సమావేశం నిర్వహించారు. నియోజకవర్గానికి కనీసం ఈఎస్​ఐ ఆస్పత్రి లేదని, ఉత్తమ్​ కుమార్​ రెడ్డి అభివృద్ధి ఏం చేయలేదని నాగేశ్వర రావు విమర్శించారు. నిధులు కేటాయించాలంటూ ఉత్తమ్​.. వినతి పత్రం కూడా ఇవ్వరని ఎద్దేవా చేశారు. సీఎం కేసీఆర్​కు, తెరాసకు ప్రజలు బ్రహ్మరథం పడుతున్నారని నామా అన్నారు.

ఇవీ చూడండి: సమ్మె 10వ రోజు: ఆందోళనలు, అరెస్టులు, ఇద్దరి ఆత్మహత్య