'ఇంట్లోనే ఉండి కరోనాను తరిమికొడతాం'

కరోనా కట్టడికి రాష్ట్ర సర్కార్ విధించిన లాక్​డౌన్​ నిబంధనలు పాటించకుండా పలుచోట్ల ప్రజలు రహదారులపైకి వస్తున్నారు. సూర్యాపేట జిల్లా నడిగూడెం మండలంలో కారణం లేకుండా రహదారులపైకి వచ్చిన పలువురు వాహనదారులతో పోలీసులు ప్రతిజ్ఞ చేయించారు.

సూర్యాపేట జిల్లా నడిగూడెం మండల పోలీస్​ స్టేషన్​ పరిధిలో లాక్​డౌన్​ నిబంధనలు ఉల్లంఘించిన వారిని పోలీసులు నిలువరించారు. కారణం లేకుండా రహదారులపైకి వచ్చిన పలువురు వాహనదారులతో నడిగూడ ఎస్సై నరేశ్​ ప్రతిజ్ఞ చేయించారు.

అత్యవసర పరిస్థితుల్లో మాత్రమే బయటకు వస్తామని, ఇంట్లోనే ఉండి కరోనా వ్యాప్తిని అడ్డుకుంటామని చోదకులు ప్రతిజ్ఞ చేశారు. లాక్​డౌన్​ నిబంధనలు ఉల్లంఘిస్తే కఠిన చర్యలు తప్పవని ఎస్సై నరేశ్ హెచ్చరించారు.