హుజూర్​నగర్​లో ఎమ్మెల్యే సైదిరెడ్డి ప్రచారం

హుజూర్​నగర్​లో మున్సిపల్ ఎన్నికల్లో భాగంగా స్థానిక ఎమ్మెల్యే శానంపూడి సైదిరెడ్డి ప్రచారం నిర్వహించారు. తనను గెలిపించినట్లే తెరాస అభ్యర్థులను గెలిపించాలని విజ్ఞప్తి చేశారు.

సూర్యపేట జిల్లా హుజూర్​నగర్ పట్టణంలో మున్సిపల్ ఎన్నికల ప్రచారంలో భాగంగా 19వ వార్డులో స్థానిక ఎమ్మెల్యే శానంపూడి సైదిరెడ్డి ప్రచారం నిర్వహించారు. తెరాస అభ్యర్థి అట్లూరి హరిబాబును అత్యధిక మెజార్టీతో గెలిపించాలని కోరారు.

పట్టణం అభివృద్ధి చెందాలంటే తెరాసతోనే సాధ్యమవుతోందని ఎమ్మెల్యే తెలిపారు. హుజూర్​నగర్​ను మోడల్ సిటీగా మార్చేందుకు కేసీఆర్ ఇప్పటికే 25 కోట్లు మంజూరు చేశారని వెల్లడించారు. తెరాస పార్టీ అభ్యర్థులను గెలిపించి మున్సిపాలిటీని మరింత అభివృద్ధి చేసుకోవాలని ఓటర్లకు సూచించారు.

ఇవీ చూడండి: ఆ రెండు మున్సిపాలిటీల్లో గెలుపు మాదే: మంత్రి ఈటల