సూర్యాపేట జిల్లా తిరుమలగిరి మున్సిపాలిటీ 10వ వార్డుకు చెందిన గెగుళ్ల శోభ కుటుంబానికి తుంగతుర్తి ఎమ్మెల్యే గాదరి కిశోర్ మరోసారి అండగా నిలిచారు. 8వ త‌గతి చదుతున్న శోభ... మానసిక వికలాంగురాలైన తన తల్లి ఉపేంద్రను చూసుకుంటూ కష్టాలు పడుతున్న సమయంలో ఈటీవీ భారత్లో ప్రచురితమైన "అమ్మకే అమ్మయిన చిన్నారి" కథనానికి స్పందించి గాదరి కిశోర్ సాయమందించారు.
ప్రస్తుతం లాక్డౌన్ కారణంగా శోభ తీవ్ర ఇబ్బంది పడుతున్న విషయం తెలుసుకుని రెండు నెలలకు సరిపడా బియ్యం, నిత్యావసర సరుకులు అందించి మరోసారి దాతృత్వాన్ని చాటుకున్నారు. ఎమ్మెల్యే చేసిన సాయాన్ని స్థానికులు అభినందిస్తున్నారు.
