"మనమంతా ఒకే కుటుంబం"

దేవాధి దేవుడు చిత్రం సాధారణ మానవునిలో మార్పుని తెచ్చే విధంగా ఉందని కోదాడ ఎమ్మెల్యే బొల్లం మల్లయ్య యాదవ్​ అన్నారు. మనమంతా ఒకే కుటుంబానికి చెందిన వారమని ఎటువంటి విద్వేషాలకు పోకుండా ప్రశాంతమైన జీవనం సాగించాలని సూచించారు.

సూర్యాపేట జిల్లా కోదాడలో బ్రహ్మకుమారి ఆధ్వర్యంలో దేవాధిదేవుడు (గాడ్​ ఆఫ్​ గాడ్స్​) సినిమాను ఎమ్మెల్యో బొల్లం మల్లయ్య యాదవ్ వీక్షించారు. సమాజంలో శాంతి, సామరస్యం, ఆరోగ్యం కోసం బ్రహ్మకుమారిస్​ ప్రయత్నం చేస్తున్నారని పేర్కొన్నారు. మనుషులంతా ఒక్కటేనని, ఎలాంటి రాగద్వేషాలకు వెళ్లకుండా అందరూ కలిసుండాలని కోరుకున్నారు.

ఇదీ చూడండి : ఇవాళ చింతమడకలో సీఎం కేసీఆర్ పర్యటన ఇలా...