సూర్యాపేట జిల్లా అనంతగిరి మండలంలోని ఖానాపురం, అమీనాబాద్, బొజ్జగూడెం తండాలో కోదాడ మాజీ ఎమ్మెల్యే ఉత్తమ్ పద్మావతి రెడ్డి ప్రాదేశిక ఎన్నికల ప్రచారంలో పాల్గొన్నారు. కోదాడ ఎమ్మెల్యేగా ఓటమి తర్వాత సర్పంచ్ ఎన్నికల్లో కాంగ్రెస్ అత్యధిక స్థానాలు గెలవడం వల్ల చాలా సంతోషం కలిగిందని ఆమె అన్నారు. ఈ ప్రాదేశిక ఎన్నికల్లో కూడా పంచాయతీ ఎన్నికల మాదిరి విజయాలను సాధిస్తామని ధీమా వ్యక్తం చేశారు. హస్తం గుర్తుకు ఓటేసి కాంగ్రెస్ జడ్పీటీసీ, ఎంపీటీసీ అభ్యర్థులను గెలిపించాలని ఓటర్లను కోరారు.
ఇవీ చూడండి: శ్రీనివాసరెడ్డిని కస్టడీలోకి తీసుకున్న పోలీసులు
