సూర్యాపేట జిల్లా మునగాల మండలంలోని తాడ్వాయి, గణపవరం చెరువులు అలుగులు పోయడం వల్ల రహదారి పైనుంచి నీరు ఉద్ధృతంగా ప్రవహిస్తోంది. తాడ్వాయి-వెంకట్రాంపురం గ్రామాల మధ్య రాకపోకలు నిలిచిపోయాయి. మాధవరం నుంచి వస్తున్న వరద నీరుతో తాడ్వాయి రహదారి కోతకు గురైంది.
నడిగూడెం మండలంలోని చాకిరాల-శ్రీరంగపురం మధ్య పైనుంచి వచ్చే వరద కారణంగా కాల్వర్టు శిథిలావస్థకు చేరుకుంది. కాల్వర్టు మరమ్మత్తులు చేయాలని స్థానిక యువకులు అర్ధనగ్న ప్రదర్శనలతో నిరసన వ్యక్తంచేశారు. మోతె మండలంలోని ఉర్లుగొండ సమీపంలో పాలేరు వాగు ఉద్ధృతంగా ప్రవహిస్తోంది. మునగాల, నడిగూడెం, మండలాల్లో వరిపంట నీటమునగగా, మోతె మండలంలో పత్తి, మిరప, కంది పంటలకు నష్టం వాటిల్లింది.
- ఇదీ చూడండి: రాయలసీమ ఎత్తిపోతాలు ఆపాలని కోరిన తెలంగాణ సర్కారు
