కష్టపడితేనే మూడు పూటలా కడుపునిండా ముద్ద దిగేది. కష్టపడకుండా ఏదీ రాదన్నది దివ్యాంగుడైన ఖాదర్ పాషా గట్టిగా సంకల్పించుకున్నాడు. అతని పట్టుదల ముందు వైకల్యం చిన్నబోయింది. సూర్యాపేట జిల్లా కేంద్రంలో సెంట్రింగ్ పనులు చేస్తూ జీవనపోరాటంలో అందరికీ ఆదర్శంగా నిలుస్తున్నాడు.
దివ్యాంగుడైన ఖాదర్ పాషా సూర్యాపేట జిల్లా కేంద్రంలో గాలి మిషన్ నడుపుతూ జీవనోపాధి పొందేవారు. కరోనాతో గిరాకీ లేకపోవడం వల్ల అద్దె కట్టలేక... తనకు ఆసరాగా ఉన్న దుకాణాన్ని మూసేయాల్సి వచ్చింది. తర్వాత బతుకు బండిని లాగేందుకు తప్పనిసరి పరిస్థితుల్లో ఇంటి నిర్మాణ పనులు చేసి జీవనం సాగిస్తున్నాడు. మద్దిరాల మండల కేంద్రంలోని ఓ ఇంటి నిర్మాణ పనుల్లో నిమగ్నమై జీవిత పోరాటంలో ముందుకెళ్తున్నాడు.
