తిరుమలగిరిలో 'మన కోసం మనం' కార్యక్రమం

రాబోవు వర్షాకాలాన్ని దృష్టిలో పెట్టుకుని చేపట్టిన మన కోసం మనం కార్యక్రమాన్ని సూర్యాపేట జిల్లా తిరుమలగిరిలో విజయవంతంగా నిర్వహించారు. ఈ కార్యక్రమంలో అధికారులు, ప్రజాప్రతినిధులు పాల్గొని ప్రజలకు అవగాహన కల్పించారు.

సూర్యాపేట జిల్లా తిరుమల​గిరి మున్సిపాలిటీలో 'మన కోసం మనం' కార్యక్రమాన్ని విజయవంతంగా నిర్వహించారు. ప్రతీ ఆదివారం పది గంటలకు 10 నిమిషాల కార్యక్రమంలో భాగంగా నిరుపయోగంగా ఉన్న నీటి పాత్రలు, పాత సామాన్లలో నిలువ ఉన్న నీటిని తొలగించి అధికారులు, ప్రజాప్రతినిధులు శుభ్రం చేశారు.

దోమల నివారణ కోసం మున్సిపాలిటీ పరిధిలోని వార్డుల్లో ప్రతీ ఇంటికి జాగ్రత్తలు తెలిపే డోర్ స్టిక్కర్​ను మెప్మా ఆధ్వర్యంలో అంటించారు. ఈ కార్యక్రమంలో టౌన్ మిషన్ కోఆర్డినేటర్ శ్వేతతో పాటు ఆయా వార్డు కౌన్సిలర్లు పాల్గొన్నారు.

ఇదీ చూడండి: 'కరోనా వ్యాప్తి తగ్గితేనే ఆ పథకాలు సాధ్యం!'