'ఆకతాయిల ఆట కట్టించాల్సిందే'

ఆకతాయిలెవరైనా ఇబ్బందులకు గురి చేస్తే 100, 112 నంబర్లకు డయల్​ చేయాలని సూర్యాపేట డీఎస్పీ నాగేశ్వరరావు మహిళలు, విద్యార్థినులకు సూచించారు.

సూర్యాపేట జిల్లా తిరుమలగిరిలో మహిళలు-బాలిక భద్రతపై అవగాహన సదస్సు నిర్వహించారు. షీ టీమ్స్​ ఆధ్వర్యంలో నిర్వహించిన ఈ కార్యక్రమానికి జిల్లా డీఎస్పీ నాగేశ్వరరావు హాజరయ్యారు.

ఆపదలో ఉన్నామని భావించినప్పుడు మహిళలు వెంటనే 100, 112 కు డయల్​ చేయాలని డీఎస్పీ సూచించారు. ఆకతాయిలతో ఇబ్బంది పడుతున్నామని విద్యార్థినులు చెప్పగా.. వసతిగృహాలకు సమీపంలో రోజు పెట్రోలింగ్​ చేయిస్తానని హామీ ఇచ్చారు.

అనంతరం దిశ ఘటనలో పోలీసుల పాత్ర హర్షణీయమని, జయహో తెలంగాణ పోలీస్​ అంటూ నినాదాలు చేశారు.

• ఇదీ చూడండి : ఆ రెండు రోజులూ ఏం జరిగింది?