టైరు పగిలి ఆటోను ఢీకొట్టిన కారు

అప్పటి వరకు బాగానే ప్రయాణించిన కారు... ఒక్కసారిగా టైరు పేలి ప్రమాదానికి కారణమైంది. ఈ ప్రమాదంలో కారు ముందు వెళ్తున్న ఆటోలోని ముగ్గురు ప్రయాణికులు తీవ్రంగా గాయపడ్డారు.

సూర్యాపేట జిల్లా కోదాడ బైపాస్​ రోడ్డుపై ప్రమాదం జరిగింది. హైదరాబాద్ నుంచి విజయవాడ వెళ్తున్న ఓ కారు... శ్రీరంగాపురం స్టేజి వద్దకు రాగానే ఒక్కసారిగా టైరు పగిలి ముందు వెళ్తున్న ఆటోను ఢీకొట్టింది. ఈ ప్రమాదంలో ఆటో పూర్తిగా ద్వంసం కాగా... ముగ్గురు ప్రయాణికులకు తీవ్ర గాయాలయ్యాయి. క్షతగాత్రులను వెంటనే కోదాడ ప్రభుత్వ ఆస్పత్రికి తరలించారు. ఇద్దరు వ్యక్తులు ప్రమాదం నుంచి క్షేమంగా బయటపడ్డారు. సమాచారమందుకున్న పోలీసులు కేసు నమోదు చేసుకుని విచారణ చేపట్టినట్లు తెలిపారు.

ఈ కథనం చదవండి: మార్పెక్కడ: 17 రోజుల్లో 13 అఘాయిత్యాలు!