మిషన్​ భగీరథ ట్యాంకులను పరిశీలించిన ట్రైనీ ఐఏఎస్​లు

తెలంగాణలో శిక్షణ పొందుతున్న 70 మంది ఐఏఎస్​ల బృందం సిద్దిపేట జిల్లా గజ్వేల్​లోని కోమటిబండలో మిషన్​ భగీరథ ట్యాంకులను పరిశీలించింది. ఇంజినీర్లు బాగా డిజైన్​ చేశారని బృంద సభ్యులు ప్రశంసించారు.

సిద్దిపేట జిల్లా గజ్వేల్ మండలం కోమటి బండలోని మిషన్ భగీరథ ట్యాంకులను తెలంగాణలో శిక్షణ పొందుతున్న 70 మంది ఐఏఎస్ అధికారుల బృందం పరిశీలించింది. తాగునీటి సమస్యను శాశ్వతంగా పరిష్కరించేందుకు మిషన్​ భగీరథ ట్యాంకులను నిర్మిస్తున్నట్లు అధికారులు తెలిపారు. అక్కడ చేపట్టిన నిర్మాణాల గురించి మ్యాప్​ల ద్వారా ఐఏఎస్​ బృంద సభ్యులకు అధికారులు క్షుణ్ణంగా వివరించారు.

అద్భుతంగా ఉంది

ప్రభుత్వం ప్రతిష్ఠాత్మకంగా నిర్మించిన భగీరథ ట్యాంకుల నిర్మాణం చాలా అద్భుతంగా ఉందని శిక్షణా ఐఏఎస్​ బృంద సభ్యులు తెలిపారు. ఇంజినీర్లు బాగా డిజైన్​ చేశారని... ఇది పరిశీలించడం తమకు ఆనందంగా ఉందని అన్నారు.

ఇదీ చూడండి : లక్ష్మీనృసింహ.. హల్దీవాగు అభివృద్ధి ఏదీ..?