పారిశుద్ధ్య కార్మికుల సేవలు మరువలేనివి : ఎమ్మెల్యే సోలిపేట

కరోనా ప్రబలుతున్న వేళ అనుక్షణం పనిచేస్తున్న పారిశుద్ధ్య కార్మికుల సేవలు మరువలేనివని ఎమ్మెల్యే సోలిపేట రామలింగారెడ్డి అన్నారు. సిద్దిపేట​ జిల్లా దుబ్బాక నియోజకవర్గంలోని చేగుంటలో పారిశుద్ధ్య కార్మికులకు, ప్రజలకు ఆయన నిత్యావసరాలను పంపిణీ చేశారు.

కొవిడ్​-19 విజృంభిస్తున్న వేళ నిత్యం వీధులను పరిశుభ్రంగా ఉంచుతూ పారిశుద్ధ్య కార్మికులు విధులు నిర్వర్తిస్తున్నారని రాష్ట్ర అంచనాల కమిటీ ఛైర్మన్, దుబ్బాక ఎమ్మెల్యే సోలిపేట రామలింగారెడ్డి తెలిపారు. సిద్దిపేట​ జిల్లా దుబ్బాక నియోజకవర్గంలోని చేగుంటలో ప్రజా ప్రతినిధులు, పోలీస్ శాఖ ఆధ్వర్యంలో నిత్యావసరాల పంపిణీ కార్యక్రమం చేపట్టారు. శాసనసభ్యుడు రామలింగారెడ్డి ఈ కార్యక్రమంలో పాల్గొని పారిశుద్ధ్య కార్మికులకు, ప్రజలకు నిత్యావసరాలను అందజేశారు.

విశేష సేవలందిస్తున్న పారిశుద్ధ్య కార్మికులకు ఆయన ధన్యవాదాలు తెలిపారు. దుబ్బాక నియోజకవర్గంలోని 7 మండలాల్లో రెండు మెదక్ జిల్లాలో ఉన్నాయని... ఈ రెండు మండలాల్లో పరిశ్రమలన్నీ స్థాపితమై ఉన్నాయని చెప్పారు. కరోనా వ్యాప్తి చెందుతున్నా... పరిశ్రమల యాజమాన్యాలు పట్టించుకోకుండా... మానవతా దృక్పథం లేకుండా పశువు కన్నా హీనంగా ఉంటున్నాయని విమర్శించారు.

ఇదీ చూడండి:- ఆ కరోనా మృతులంతా భోపాల్ దుర్ఘటన బాధితులే