సిద్దిపేట జిల్లా వర్గల్ మండలం నాచవరం గ్రామంలో శ్రీలక్ష్మి నరసింహ ఉత్సవాలు వైభవంగా జరుగుతున్నాయి. ఉత్సవాల్లో అత్యంత కీలకమైన రథోత్సవం కన్నుల పండువగా సాగింది. సర్వాంగ సుందరంగా అలంకృతులైన ఉత్సవమూర్తులు రథంపై ఊరేగుతూ వేలాదిగా భక్తులకు అభయమిస్తూ ముందుకు సాగారు.
ఈ వేడుకను చూసేందుకు తెల్లవారుజాము నుంచే భక్తులు భారీ ఎత్తున హాజరయ్యారు. రథానికి ముందు భక్తులు కోలాటాలు, నృత్యాలతో స్వామివారికి స్వాగతం పలికారు. మంగళహారతులతో మొక్కులు చెల్లించుకున్నారు.
ఊరేగింపు పూర్తయ్యాక స్వామి వారిని తిరిగి ప్రధాన ఆలయానికి తీసుకెళ్లారు. అనంతరం భక్తులు గర్భాలయంలోని స్వామివారిని దర్శించుకునేందుకు క్యూలైన్లలో బారులు తీరారు.
వైభవంగా లక్ష్మీ నరసింహ స్వామి రథోత్సవం
ఇవీ చూడండి: రేపటి నుంచి భద్రాద్రి బ్రహ్మోత్సవాలు
