కోహెడ వద్ద గల్లంతైన లారీ డ్రైవర్​ కోసం గాలింపు ముమ్మరం

శనివారం ఉదయం సిద్దిపేట జిల్లా కోహెడ మండలం బస్వాపూర్​ వద్ద గల్లంతైన లారీ డ్రైవర్​ కోసం అధికారులు గాలింపు చర్యలు చేపడుతున్నారు. మొదట తాడుతో ప్రయత్నించగా.. నీటి ప్రవాహం ఎక్కువై డ్రైవర్​ నీటిలో కొట్టుకుపోయారు. అనంతరం హెలికాప్టర్​తో గాలించగా.. ప్రస్తుతం ప్రవాహం పెరగగా అధికారులు తాత్కాలికంగా గాలింపు చర్యలను నిలిపివేశారు.

సిద్దిపేట జిల్లా కోహెడ మండలం బస్వాపూర్​ వద్ద శనివారం ఉదయం గల్లంతైన లారీ డ్రైవర్​ కోసం అధికారులు గాలింపు చర్యలు చేపడుతున్నారు. ఉదయం బస్వాపూర్​ వంతెనపై వాగు ప్రవాహానికి లారీ కొట్టుకుపోగా.. అందులో ఉన్న క్లీనర్ సురక్షితంగా బయటపడ్డాడు. డ్రైవర్​ మాత్రం ప్రవాహంలో కొట్టుకుని వెళ్లి ఒక చెట్టును పట్టుకుని మధ్యాహ్నం వరకు సహాయం కోసం అరుపులు వేస్తూ ఎదురుచూశాడు.

విషయం తెలుసుకున్న మంత్రి హరీశ్​రావు.. అతన్ని ఎలాగైనా కాపాడాలంటూ కలెక్టర్​ను ఆదేశించారు. సీపీ జోయల్​ డేవిస్ రెస్క్యూ బృందాలతో డ్రైవర్​ను కాపాడేందుకు ప్రయత్నిస్తున్నారు. మొదట తాడు సహాయంతో డ్రైవర్​ను కాపాడేందుకు యత్నించగా.. ప్రవాహం ఎక్కువై డ్రైవర్ నీటి ప్రవాహంలో కొట్టుకుపోయారు.

అనంతరం హెలికాప్టర్​తో గాలింపు చర్యలు చేపట్టగా డ్రైవర్​ ఆచూకీ లభ్యమవ్వలేదు. ప్రస్తుతం ఎన్డీఆర్​ఎఫ్​ బృందం, బోటు సహాయంతో వాగులో గాలింపు చర్యలు చేపట్టింది. మళ్లీ నీటి ప్రవాహం పెరగగా.. ప్రస్తుతం అధికారులు గాలింపు చర్యలను ఆపివేశారు.

ఇవీచూడండి: ప్రగతిభవన్​లో ​త్రివర్ణ పతాకాన్ని ఆవిష్కరించిన ముఖ్యమంత్రి కేసీఆర్