సిద్దిపేట జిల్లా వర్గల్ విద్యా సరస్వతి క్షేత్రంలో కార్తీకమాసం సందర్భంగా కార్తీక దీపోత్సవం ఏర్పాటు చేశారు. ఆలయ వ్యవస్థాపకుడు రాయవరం చంద్రశేఖర శర్మ సిద్ధాంతి నేతృత్వంలో పుష్పగిరి పీఠాధిపతి విద్యాశంకర భారతి పర్యవేక్షణలో కార్తీక దీపోత్సవాన్ని భక్తిభావంతో నిర్వహించారు.
భారీ సంఖ్యలో హాజరైన మహిళలు దీపాలను వెలిగించారు. వేదపండితుల మంత్రోచ్ఛరణల మధ్య జ్యోతి వెలిగించి దినోత్సవ కార్యక్రమానికి శ్రీకారం చుట్టారు. దీపోత్సవ విశిష్టతను వివరించారు. కార్యక్రమంలో జిల్లా పరిషత్ అధ్యక్షురాలు రోజా శర్మతో పాటు భక్తులు అధిక సంఖ్యలో పాల్గొన్నారు.
ఇదీ చూడండి: భద్రాద్రి రాముడి సేవలో మంత్రి నిరంజన్ రెడ్డి..
