మిషన్ భగీరథ పథకం దేశానికే ఆదర్శం

తెలంగాణ రాష్ట్రంలో ఇంటింటికీ రక్షిత మంచినీటిని అందించేందుకు ఉద్దేశించిన మిషన్‌ భగీరథ పథకం దేశానికే ఆదర్శమని ఝార్ఖండ్ ముఖ్యమంత్రి కార్యదర్శి సునీల్ కుమార్ అభినందించారు. సిద్దిపేట జిల్లా గజ్వేల్​ నియోజవర్గంలో ఎర్రవల్లి, ప్రజ్ఞాపూర్ గ్రామాల్లో పర్యటించారు.

తెలంగాణ ప్రభుత్వం చేపట్టిన మిషన్ భగీరథ అద్భుతంగా ఉందని.. ఝార్ఖండ్ ముఖ్యమంత్రి కార్యదర్శి సునీల్ కుమార్ అభినందించారు. ఈ పథకం అమలుపై ఝార్ఖండ్ ప్రభుత్వం ఆసక్తిగా ఉండటం వల్ల ఆయన క్షేత్ర స్థాయిలో పరిశీలనకు గజ్వేల్ నియోజకవర్గంలో పర్యటించారు. ఎర్రవల్లి, ప్రజ్ఞాపూర్​లో మిషన్ భగీరథ నల్లాలను పరిశీలించారు.

నీటి సరఫరా, నాణ్యతపై స్థానికులను అడిగి తెలుసుకున్నారు. ఎర్రవల్లి, ములుగులో నిర్మించిన రెండు పడగ గదుల ఇళ్లను పరిశీలించారు. అనేక పట్టణాల కంటే ఎర్రవల్లి గ్రామంలో మౌలికవసతులు బాగున్నాయని సునీల్ కుమార్ పేర్కొన్నారు.

ఇవీచూడండి: కాళేశ్వరం నీళ్లతో... అమరవీరులకు 'జల నీరాజనం