ఇజ్రాయిల్ స్ఫూర్తితో 'సాగు'దాం: హరీశ్ రావు

సిద్దిపేట జిల్లా రూరల్ మండలం బుస్సాపూర్ గ్రామంలో పొలం- కుంటల పనులను మాజీ మంత్రి, ఎమ్మెల్యే హరీశ్ రావు ప్రారంభించారు.

ప్రతి వర్షపు చుక్కను భూమిలోకి ఇంకే విధంగా ప్రతి బావి దగ్గర పొలం కుంటలను ఏర్పాటు చేసుకోవాలని మాజీ మంత్రి హరీశ్​రావు రైతులకు వివరించారు. ఇజ్రాయిల్ దేశంలో వర్షపు నీటిని సంరక్షించుకోవటం వల్ల ప్రపంచంలోనే వ్యవసాయరంగంలో అత్తుత్యమ దేశంగా ఎదిగిందని పేర్కొన్నారు. పొలం గట్ల దగ్గర నీటి నిల్వ కోసం కందకాలు ఏర్పాటు చేసుకోవాలని సూచించారు. దీనివలన భూగర్భ జలాలు పెరుగుతాయని హరీశ్​ రైతులకు వివరించారు. ఈ కార్యక్రమంలో ఎంపీ కొత్త ప్రభాకర్ రెడ్డి పాల్గొన్నారు.

ఇవీచూడండి: 'ముమ్మారు తలాక్' బిల్లుకు పార్లమెంటు ఆమోదం