ట్రబుల్ షూటర్.. ఆరున్నర అడుగుల బుల్లెట్.. అభివృద్ధి పైలెట్.. సిద్దిపేట రాకెట్.. హరీశ్రావు పేరు వినగానే మదిలో మెదిలే పదాలు. తెరాస పార్టీలో, ఉద్యమంలో, ప్రభుత్వంలో ఆయనది కీలక పాత్ర. అన్ని వర్గాలు, పార్టీలు అభిమానించే అతి తక్కువ మందిలో హరీశ్రావు ఒకరు. అజాత శత్రువుగా ఆయన పేరు సంపాదించుకున్నారు. రాష్ట్ర రాజకీయాల్లో మరొకరు భర్తీ చేయలేని స్థానం హరీశ్రావుది. 2004లో రాజకీయాల్లోకి వచ్చిన హరీశ్... ఎన్నికల బరిలో నిలిచాడంటే ప్రత్యర్థుల ధరావతులు గల్లంతే.
31వ ఏట మంత్రిగా ప్రమాణం
సీఎం కేసీఆర్కు స్వయాన మేనల్లుడైన హరీశ్రావు 1972 జూన్ మూడో తేదీన సిద్దిపేట జిల్లా చింతమడకలో జన్మించారు. స్థానికంగానే పాఠశాల విద్యను పూర్తి చేసి హైదరాబాద్లోని మాసాబ్ ట్యాంకులో ఉన్న పాలిటెక్నిక్ కాలేజీలో డిప్లొమా పూర్తి చేశారు. కాకతీయ విశ్వవిద్యాలయం నుంచి పట్టభద్రులయ్యారు. తన 31వ ఏట 2004లో మంత్రిగా ప్రమాణం చేసి రాజకీయ ముఖచిత్రంలోకి వచ్చారు. నాటి నుంచి నేటి వరకు తన హవా కొనసాగిస్తూనే ఉన్నారు. 2004, 2008, 2010 సంవత్సరాల్లో జరిగిన ఉప ఎన్నికల్లో.. 2009, 2014, 2018 సాధారణ ఎన్నికల్లో వరుసగా విజయం సాధించారు. 2018 సాధారణ ఎన్నికల్లో విజయంతో 46 సంవత్సరాల వయసులోనే... డబుల్ హ్యాట్రిక్ సాధించిన ఎమ్మెల్యేగా రికార్డు సృష్టించారు. ఒక లక్షా 18 వేల 699 ఓట్ల మెజార్టీ సాధించి... జాతీయ స్థాయిలో అత్యధిక ఓట్లు పొందిన శాసనసభ్యుడిగా రికార్డు నెలకొల్పారు.
మామ వెంటే అల్లుడు... అనితర సాధ్యుడు - నీటి పారుదల శాఖ మంత్రిగా చెరగని ముద్ర
హరీశ్రావు... ఈ పేరు రాష్ట్ర రాజకీయాల్లో ఓ ప్రభంజనం. తెరాస పార్టీలో, తెలంగాణ ఉద్యమంలో ఆయనది కీలక పాత్ర. ఆయన మాటంటే సిద్దిపేట ప్రజలకు వేదవాక్కు. హరీశ్ అడుగు పెట్టాడంటే ఏ స్థానమైనా అది గులాబీ ఖాతాలో పడిపోవాల్సిందే. అంతలా తెలంగాణ ప్రజల మనసును గెలుచుకున్న నేత మరొకరు ఉండరేమో...! అందుకే 2018 సాధారణ ఎన్నికల్లో అత్యధిక ఓట్ల మెజార్టీతో విజయం సాధించి... జాతీయ స్థాయిలో రికార్డు సృష్టించారు. నిరంతరం ప్రజలతో మమేకమవుతూ పాలనలో తనకంటూ ప్రత్యేక స్థానాన్ని సంపాదించుకుని మరోసారి మంత్రిగా ప్రమాణం చేసిన హరీశ్రావుపై ఈటీవీభారత్ ప్రత్యేక కథనం...
ట్రబుల్ షూటర్.. ఆరున్నర అడుగుల బుల్లెట్.. అభివృద్ధి పైలెట్.. సిద్దిపేట రాకెట్.. హరీశ్రావు పేరు వినగానే మదిలో మెదిలే పదాలు. తెరాస పార్టీలో, ఉద్యమంలో, ప్రభుత్వంలో ఆయనది కీలక పాత్ర. అన్ని వర్గాలు, పార్టీలు అభిమానించే అతి తక్కువ మందిలో హరీశ్రావు ఒకరు. అజాత శత్రువుగా ఆయన పేరు సంపాదించుకున్నారు. రాష్ట్ర రాజకీయాల్లో మరొకరు భర్తీ చేయలేని స్థానం హరీశ్రావుది. 2004లో రాజకీయాల్లోకి వచ్చిన హరీశ్... ఎన్నికల బరిలో నిలిచాడంటే ప్రత్యర్థుల ధరావతులు గల్లంతే.
31వ ఏట మంత్రిగా ప్రమాణం
సీఎం కేసీఆర్కు స్వయాన మేనల్లుడైన హరీశ్రావు 1972 జూన్ మూడో తేదీన సిద్దిపేట జిల్లా చింతమడకలో జన్మించారు. స్థానికంగానే పాఠశాల విద్యను పూర్తి చేసి హైదరాబాద్లోని మాసాబ్ ట్యాంకులో ఉన్న పాలిటెక్నిక్ కాలేజీలో డిప్లొమా పూర్తి చేశారు. కాకతీయ విశ్వవిద్యాలయం నుంచి పట్టభద్రులయ్యారు. తన 31వ ఏట 2004లో మంత్రిగా ప్రమాణం చేసి రాజకీయ ముఖచిత్రంలోకి వచ్చారు. నాటి నుంచి నేటి వరకు తన హవా కొనసాగిస్తూనే ఉన్నారు. 2004, 2008, 2010 సంవత్సరాల్లో జరిగిన ఉప ఎన్నికల్లో.. 2009, 2014, 2018 సాధారణ ఎన్నికల్లో వరుసగా విజయం సాధించారు. 2018 సాధారణ ఎన్నికల్లో విజయంతో 46 సంవత్సరాల వయసులోనే... డబుల్ హ్యాట్రిక్ సాధించిన ఎమ్మెల్యేగా రికార్డు సృష్టించారు. ఒక లక్షా 18 వేల 699 ఓట్ల మెజార్టీ సాధించి... జాతీయ స్థాయిలో అత్యధిక ఓట్లు పొందిన శాసనసభ్యుడిగా రికార్డు నెలకొల్పారు.
